Pepatah Petitih Minangkabau

Adat basandi syarak,
syarak basandi Kitabullah
syarak mangato, adat mamakai
camin nan indak kabua
palito nan indak padam
 
Gadang jaan malendo
panjang jaan malindih.
 
Barek samo dipikua
ringan samo dijinjiang
ka bukik samo mandaki
ka lurah samo manurun

tatungkui samo makan tanah
tatilantang samo minum ambun
ka mudiak saantak galah
ka hilia sarangkuah dayuang
maelo karajo jo usao
mairik parang jo barani




Budi jan tajua,
paham jan tagadai
nan kayo iyolah kayo di budi
nan mulieh ilyolah mulieh di basa

Condong mato ka nan rancak
condong salero ka nan lamak
rancak di awak
katuju di urang


Ka mudiak sahantak gala
ka hilia sarangkuah dayuang
sakato lahia jo batin
sasuai muluik jo hati

Adat dipakai baru
kain dipakai usang
bacupak sapanjang batuang
baadat sapanjang jalan

Labuah luruih jalannyo pasa
labuah luruih nan ka ditampuah
jalan pasa nan ka dituruik
 Duduak mampunyoi pamainan
Tagak mampunyoi parintang

Sia marunduak sia bungkuak
Sia malompek sia patah

Elok sairiang jo juru mudi
elok saiyo jo sakato
kok pandai bamain budi
nan lia jinak malakok

Habih sandiang dek bagesoh
habih minyak dek bagisia.